تغيير سرعة الانترنت




Complaint by:
Mohammed Ahmed

Against Etisalat

Status : SOLVED

انا مشترك من فترة قريبة مع شركة اتصالات في خدمة انترنت الارضي بسرعة 4ميجا وكان ساعتها سرعة ال 2ميجا زي سرعة ال 4ميجا في الاستخدام العادل يعني مسموح لك 150جيجا استهلاك خلال الشهر للسرعتين دول اتصلت يوم 13/12/2016 وعملت طلب اني انزل سرعة اشتراكي من 4ميجا الى 2ميجا على اساس ان الاتنين ليهم نفس الاستهلاك العادل وساعتها مكنتش اعرف انهم غيروا الاستهلاك العادل لسرعة 2ميجا من 150جيجا في الشهر الى 120جيجا في الشهر المهم تاني يوم الصبح الساعة 9وتلت صباحا اول ما عرفت موضوع الاستهلاك اتصلت بخدمة العملاء وطلبت منهم اني ارجع السرعة تاني الى 4ميجا وشرحت له الالتباس اللي حصل في الموضوع والسبب اللي خلاني اطلب سرعة 2ميجا ، المهم هو قالي ان ممنوع تغيير السرعة اكتر من مرة في خلال 30 يوم ، وبالتالي لازم استنى 30 يوم وبعد كده ممكن احول الى سرعة 4ميجا ، ساعتها شرحتله ان الفاتورة بتاعتي هتيجي بسعر 110جنيه في الشهر وانا اما ارجع سرعتي الى 4ميجا الفاتورة هتيجي بسعر 160جنيه في الشهر ، يعني الشركة هي المستفيدة اصلا من اني ارفع سرعة اشتراكي ، يعني شيء غريب جدا اما شركة تحط نظام يضرها ويضر العملاء بتوعها ، يعني لو النظام ده ضد الناس اللي هتنزل سرعتها اكتر من مرة في نفس الشهر هيكون نظام معقول لان الشركة كده هتخسر ، بس اما يكون نظام بيمنع مشترك انه يزود السرعة بتاعته بحيث انه يستفيد وكمان الشركة تستفيد يبقى ده نظام عقيم جدا واللي حط النظام ده معندهوش اي دراية بتسويق وتسهيل منتجات الشركة الاعلى سعرا ، المهم طلبت من الموظف اني اعمل شكوى بسبب الموضوع ده فقالي ان مش هينفع يعمل شكوى لان ده نظام الشركة . اتمنى صوت العقل والمنطق يوصل لادارة شركة اتصالات وشكرا جزيلا





  • 2 Comments
  • Mohammed Ahmed

    تم التواصل معي من قبل شركة اتصالات وتم حل سوء التفاهم شكرا مستحق ووافي لموقع اشتكي لايصال صوت المستهلك الى الشركات


    2016-12-16 02:13:19


  • شكرا لحضرتك و يا رب نكون دائما عند حسن ظن حضرتك


    2016-12-16 14:21:15