Manarat el Mostaqbal School
Website:

Email:

Hotline:

Address:

Social Media:

Bio:

Rating:
Manarat el Mostaqbal School
Rated 1/5 based on 1 Complaints



تخيل لما ابنك يتضرب داخل باص مدرسته بعصاية بيزبول و المدرسه تتستر عالجريمه مدرسة # منارة_المستقبل – اللي أمام كارفور المعادي #Manarat_el_Mostaqbal_Language_School طالب اسمه ( م هـ) ف 3 اعدادي مع ابني (على رامي) - اللي ف 6 ابتدائي - في الباص بيجيب معاه الباص عصاية بيسبول يبلطج بيها عالولاد، ضرب فعلا علي ابني بيها وضرب بيها طالب تاني (على شريف) – 6 ابتدائي برضه، الكلام ده في الترم التاني لهذا العام الدراسي (2014-2015). طب يا على مشرفة الباص ماكانتش بتشوف العصايه دى..... اه بتشوفها..... طب ماعملتش حاجه...... راحت ملك بنتي – اللي ف رابعه ابتدائي – قالت "اصلا هو بيزعق للمشرفه.. وساعات بيزقها...ده غير انه بيناديها باسمها من غير ميس" !! اتصلنا بمستر مجدي - مدير الانضباط في المدرسه - نحكيله ووعد باتخاد اللازم. واخذ اللازم فعلا الحقيقه – من وجهة نظره – انه طلب من ( م هـ) الاعتذار لهم ! ده بعد ما سأل على ابني وعلى شريف عن اللي حصل، وعلى ابني حكاله وقاله ده كمان الترم الاول جاب معاه المدرسه مطواه و"بتاعه بتتلبس في الايد طالع منها حتت حديد" ! (ودى كانت اول مره نعرف الحكايه دي) طب يا على ( م هـ) اعتذرلكم ؟ لأ....جه قالنا انتو بتشتكوني..انتو شوية عيال...ورمى الشنطه بتاعته علينا وقالنا شيلوها بقى لحد ما نروح ! قمنا نحن ووالدة (على شريف) بالاتصال بالاستاذ مجدي عدة مرات مش بيرد (مع انه مسجل نمرة رامي) كتبنا شكوى لمدير المدرسه بالموقف ورحنا تاني يوم. طبعا ممنوع نقابل مدير المدرسه بدون موعد سابق !! بعد زعيق مننا دخلونا لمديرة العلاقات العامه اللي سمعت الحكايه وذهبت للتحقق من الامر. رجعتلنا بعد ساعه بالنتيجه التاليه:  فتشنا الطالب ( م هـ) وملقيناش معاه حاجه  سألنا مشرفة الباص