Jovi tronix
Website: http://www.jovitronix.com

Email: info@jovitronix.com

Hotline: 19482

Address:

Social Media:

Bio:

Rating:
Jovi Tronix
Rated 2/5 based on 8 Complaints


Phone

By Amr Hussien. On March 16th, 2016 At 05:20


Against Jovi tronix

Status : Solved


برجاااااء النشر اشتريت موبايل HTC ورحت لمركز الصيانة اللي في الدقي علطول بعد ما اشتريت التليفون بشهر الاقي المدير يروح واخد الموبايل لا فاتورة ولا حاجة وقالي فوت علينا كمان يومين اروح واتكلم بعد ما اخد يومين عشان اخد الموبايل يقولولي فين الفاتورة اقولهوم مخدش فاتورة اللي يبصلي كأني حرامي واللي يقولي مفيش حاجة اسمها كدة وافضل في ال store ساعتين لحد ما جه معالي الباشا المدير اللي خد الموبايل عشان يقول اه انا فاكرة عشان اخد الموبايل بعدها بأسبوع نفس المشكلة في الشاشة تحصل وأخاف ارجع بالموبايل تاني عشان محصلش اللي حصل تاني المهم فضلت علي الحال دة لمدة شهر كامل التاتش بيهنج لحد ما وقف خالص قولت مبيدهاش لازم اروح المهم روحت بعد اسبوع كامل مناهدة قررو انهم يغيروا الشاشة دا كان بتاريخ 17 /2 زي باين في الصورة المهم خدت الموبايل زرار الصوت بايظ البلستيكة اللي تحت الشاشة متشاله والايميل مبيبعتش ولا بيرد روحتلهم تاني في نفس الأسبوع خدوا بالكو في نفس الاسبوع ها ( في نفس الاسبوووووع )) الاقي المدير يقولي كدة الموبايل محتاج يخش الصيانة تاني قولت اسبوع تاني كتير قالي خلاص خليه معاك وانا هرد عليك يوم الخميس يجي يوم الخميس ولا يرد عليا الف وادور وارحلوا يقوم يقولي عدي عليا الأحد وخدت رقم تليفونو اكلمو وابعت رسايل ولا يعبرني زي ما باين في الصورة وفي الاخر لما اكلم مدير في خدمة العملاء الاقيه يقولولي اصلو خد اجازة ومبيردش علي تليفونو في الوقت ... دة كأني انا بشحت منو المهم جابولي مدير تاني قالي خليني ادورلك علي اننا نغيرلك التليفون بواحد تاني وهرجعلك تاني استني اليوم كلو ولا يعبرني فيييين لما كلمني الساعة 11 بليل من تليفونو وقالي ابعت ميل ل c


جوفي ترونيكس‬ أسوأ خدمة عملاء وصيانة

By Anonymous. On March 8th, 2016 At 11:46


Against Jovi tronix

Status: Viewed by company


اشتريت يوم 3/2 موبيل ‪#‎Lenovo_vibe_p1‬ اللي اعلاناته مليانة على كوبري اكتوبر والمحور. واول ماجبتوا كان عندي واي فاي ومش كنت بكونكت على ال 3G لكن بعد 3 اسابيع الواي فاي فصل وبدأت اكونكت عليه لقيتوا مش شغال افتكرت العيب في شبكة الموبيل كلمت فودافون قالولي لا العيب في بوردت الموبيل . روحت لي #جوفي_ترونيكس اولا قالولي يدخل صيانة لاني عديت 14 يوم قولت ماشي المهم مش تروح فلوسي على الأرض. ثانيا: اللي قاعدين في خدمة العملاء لا يفقهوا شيء عن الموبايل وانت بتقولهم المشكله بيكتبوها وراك not verify قولتلهم لية قالوا يعني المشكلة مش ظاهرة قدامهم لما استلموا الموبيل مني قولتها طيب جربي بنفسك علشان تتاكدتي قالتلي لا دة شغل مهندس الصيانة وكان عندي مشكلة تانية انه لما بعمل ريستارت كان بيفتح ويعدين يهنج شوية ويجيب شاشة الترحيب تاني ويفتح مش عرفت تكتبها ازاي وقالتلي في الفحص هيبان كل حاجة. ثالثا: لما اخدت الوصل بتاع الصيانة لقيت مكتوب ان الموبيل في خدوش في الشاشة والجهاز نفسه مخدوش قولتلها الجهاز جديد مفيهوش خدش قالتلي دة سيستم مينفعش اغيره.بيرموا الاجهزة فوق بعض في درج ملوفوف بوصل استلام الموبيل قولتلها طيب خدية بالجراب علشان مش يتخربش في الدرج قالتلي لو سبتية مش هيرجعلك اكيد قولتلها ازاي دة انتوا خدمة عملاء كبيرة قالتلي مش هيرجع انتي حرة. رابعا: بقى اخدو الموبيل بقالهم 10 ايام كل ما اتكلم يقولولي ما نعرفش عنه حاجة لسة في الصيانة قولتلهم طيب اية مشكلتله بمنتهى قلة الذوق يرد لما تستلمية ابقي اعرفي ماله.


bad company (jovi tronix )

By Mina Light. On October 5th, 2015 At 12:42


Against Jovi tronix

Status: Sent to company


* توكيل ‪#‎joVi‬ ‪#‎tronix‬ يعتبر فعلا من أوحش التوكيلات الي موجوده في مصر و مامتك تبقي داعيه عليك لو جبت HTC or lenovo و يحصل مشكله وتروح هنالك وده كلام مش مبالغ فيه من حيث ( التعامل و الخدمه و والموظفين و سوء مهندسين الصيانه الي مش بيصلحوا حاجه و البطء و قله القيمه) جرب فعلا اقعد 5 دقايق في الفرع وشوف كميه الخناقات والشتايم والمشاكل الي هناك هاتندم فعلا وتعيد تفكيرك مليون مره قبل ماتشتري موبيال ضمان جوفي * الحكايه علشان فعلا محدش يلبس زي انا جبت موبايل ‪#‎lenovo‬ ‪#‎s850‬ وبعد كدا ب 4 شهور باظ في شهر 7 بالظبط فروحت لضمان جوفي فرع العجوزه وقالولي سلم موبايلك وتعالي كمان 10-14 يوم استلمه ( هاتفتكر الرقم كبير بس لو فعلا الموبايل أتصلح في الفتره دي يبقي أنجاز في تاريخ جوفي أقل موبايل هناك بياخد شهر وأكتر كمان ده لو أتصلح أصلا وجاش فيه عيوب تانيه ) * المهم خد الموبايل بعد شهر وكان غيروا فيه المازر بورد وكالعاده بعد 3 أسابيع ظهر نفس العيب وروحت تاني وخل تاني للصيانه واستلمته بعديه ب 4 ايام وغيرو سوفت بس ( بيسكتني يعني ) وبعديها بيومين ظهر نفس العيب طبعا علشان مفيش حاجه اصلا اتغيرت ورحت للمره التالته للضمان بنفس العيب واستلمو مني وأستلمته الحمد لله بعديها ب أسبوع وغيرو مازر بورد للمره التانيه . ومش بس كدا ده الموبايل راجع ب عيب شبكه والكاميرا الي قدام مش شغاله . * بعديها بيومين ظهر نفس العيب وروحت للضمان وخلاص بقي الواحد جاب أخره وهناك لو موبايلا باظ 3 مران من نفس العيب من حقك تاخد واحد جديد وطالبت بده وفضلت قاعد 3 ساعات في الفرع مستن حد كلمني و في الاخر مدير الفرع قالي تعالي بعد العيد ( يوم الاحد ) سلم موبايلك ونشوف هانعمل ايه . * المهم جيت الحد وسلمت الموبايل وقالي تعا


Mobile Phones

By Mina Light. On October 4th, 2015 At 18:45


Against Jovi tronix

Status: Sent to company


https://www.facebook.com/minalight93/posts/10153275959926634


شكوى بخصوص موبايل htc 620g dualsim

By Anonymous. On September 17th, 2015 At 06:24


Against Jovi tronix

Status: Sent to company


معايا موبايل htc 620g dualsim الموبايل فى شهر 7 كان بيفصل من الشحن وهو بيشحن و متوصل بالشاحن و كانه خلص شحن و كنت بشيل الشاحن و احطه تانى فى الكهربا ولما كنت بوصله بالكمبيوتر كان بيفصل لوحده ومش بعرف افتح اى Folder و الكمبيوتر مش شايف اى جهاز متوصل بيه روحت بيه للتوكيل و رفضوا يستلموا منى عشان محصلتش المشكلة قدمهم و روحت مرة تانية و حصلت المشكلة قدمهم و مكنش معايا الضمان و رجعت تانى يوم وسلمتهم الضمان و التليفون و الشاحن و بعد 20 يوم استلمت التليفون و قالوا ده عيب سوفت و ير و غيرنا السوفت وير و اتكرر الموضوع وروحت التوكيل تانى و مردوش يستلموا عشان المشكلة محصلتش قدمهم و بعد كده اتطورت المشكلة كان الموبايل بيفصل شحن خالص و shutdown و كنت بوصله بالشاحن كان بيعقد يعمل restart لوحده كذا مرة ورا بعض و بعدين يعمل shutdown و يفضل يعمل vibrate لحد ما اشيله من الشاحن و اشيل البطارية منه و افتحه و اتكرر الموضوع ده 3 مرات المرة التالتة بعد ما قعد يعمل restart و اشيل البطارية و ارجعه يشحن تانى اخدت الموبايل و روحت التوكيل و كان الموبايل مقفول و لما تدوس زرار power مش عايز يفتح غير لما تشيل البطارية و ترجعها تانى مع انه كان واصل 27% و حصل الكلام ده قدام مسئول خدمة العملاء و كتب الكلام ده فى الأيصال و مضى ع الكلام ده و بعد 12 يوم روحت اخد الموبايل لقيته متصلحش و بيقولو الموبايل مفيهوش حاجة وسليم طب و بالنسبة للكلام اللى مكتوب و اضى عليه الموظف جالى الموظف وقالى خلاص ارفض استلام JoVi Tronix​الجهاز و هنبعته تانى يتصلح و ابعت شكوى على الايميل بعت الشكوى فعلا و مفيش رد منهم لحد دلوقتى