Fiat
Website:

Email:

Hotline:

Address:

Social Media:

Bio:

Rating:
Fiat
Rated 5/5 based on 1 Complaints


worst service

By Radwa ElGabry. On December 27th, 2015 At 08:37


Against Fiat

Status : Solved


على مدار أكتر من تلات شهور بهدلة ما بين مركز الصيانة و إميلات لشركة فيات في إيطاليا, أنا مش عرفة أجيب حقي ولا حتى المركز عارف يصلح عربيتي. الخلاصة إن واضح جداً إن مركز الصيانة النيل الهندسية مش بيعرف يعمل الحاجة الوحيدة إلي المفروض يعملها و هو إن يصلح عربيات!!! عربيتي فيات بونتو ٢٠١١ ولحد دلوقتي أنا ما عملتش بها غير 45 ألف كيلو بس!!! و بقالي شهور أو أكتر مش عارفين يصلحوها و كل شوية العربية تقف و أجرها بالونش لحد هناك و تقعد أد كدة و ادفع بالألافات و ترجع بنفس العيب. الحكاية إن العربية كانت بتنقل من الاول أو التاني لل N وأنا ماشية فجأة!!! مش قادرة أحكيلكو عن الخضة وانا سايقة على 100 مثلاً و فجأة العربية تجيب ن مشروع حادثة وش!!! بس ربنا كان بيستر. أنا كنت بفتكر إنى بعمل حاجة غلط فالسواقة أو بكبس عالبنزين جامد أو حاجة فجأة في يوم أول ما طلعت بها و لسة في نص الشارع كتبتليGear box unavailable check transmission ، وقفت أشوف في إيه ما دارتش تاني و العربية في نص الشارع فعلاً !!! جبت ونش و ودتها عالنيل الهندسية، ردوا عليا إن لازم تغيير طقم الدبرياج، قلتلهم ماشي غيروه و لو اني كنت حاسة إن بدري عليه أنا كنت ساعتها ماشية ٤٣ ألف كيلو بس ما علينا. خدوها يومين و دفعوني ٣٥٠٠ جنيه. ويا سبحان الله ال عربية رجعت ب نفس ذات العيب ول لسة بتنقل عال N بردو رحتلهم يوم 3-10 و قعدت من الساعة 11 لحد الساعة 4 و هما مش عارفين فيه إيه و قالولي العربية لازم تبات (يعني كمان اتصرف أروح لوحدي بعد كل ده من العبور). روّحت و يوم ورا التاني أكلمهم, لحد ما بعد 5 أيام قالولي أصل فيه حاجة فالفتيس في نقلات الاول والتاني لازم تتغير و حتتكلف 6000 و حنخصم 600 جنيه عشان احنا ما عملناش check عليها من المرة اللى فات