شكاوي السوشيال ميديا بره الصندوق

شكاوي سوشيال ميديا

Follow us:

Facebooktwitter

تقريبا كل يوم بنسمع او بنقرأ على السوشيال ميديا عن قصص وحكايات مختلفة عن مشاكل بتقابلها الناس في السوق المصرية. قصص كتير عن سوء معاملة او تدني مستوى الخدمة او موظف مش فاهم وطبعا المشكلة الاشهر “لقيت مش عارف ايه في الأكل”. كتير في شكاوي بيتعملها شير وناس كتير بتنشرها وناس بتخاف وتقاطع المنتج وفي الأخر الشكوى تبقى مش حقيقة. والعكس صحيح، ان في شكاوى بتدخل في اطار التريقة والتهريج ويعدي الموضوع و ننساه و كأنه لم يكن.

مشكلة تانية ان ساعات بتكون في مشكلة فعلاً ومع حجم انتشارها بين الناس سواء مشكلة حقيقية او لا بتبدأ الناس تتأثر وتحكم على المنتج او الشركة ورغم ان في بعض الشركات بتحاول ترد او تحل بس صعب ان ردها يوصل لنفس عدد الناس وصعب يكون له نفس تأثير الشكوى. ودى بتبقى حاجة سيئة، خصوصاً لو الشكوى اصلا مش حقيقية.

حاجة كمان ان الشكاوى بقيت بتظهر على السوشيال ميديا بقوة لدرجة ان في ناس بقيت بتلكك للشركات. يعني في ناس ممكن تزعل من كلامي بس في ناس بقيت واخداها طريق للشهرة ان انا لما انشر اي مشكلة مهما كانت بسيطة او مجرد خطأ عادي وارد حدوثه وسهل حله وادخل اكتبها في كل حتة والناش تشيرها، انا كده هبقى مشهور والناس هتعرفني وتتكلم عني. للأسف ده بيحصل أوقات. ودي حاجة بتأثر على الناس ألي فعلاً عندها مشاكل حقيقية ومستاهلة ان الناس تعرفها وتاخد بالها منها.

اكبر مشكلة بقى في رأيي في الموضوع ده ان اي بوست على السوشيال ميديا سواء شكوى او أي حاجة تانية، بيبقى ليها عمر افتراضي. يعني البوست بيطلع وينتشر لدرجة معينة ومع الوقت يتنسي ويموت من غير ما نعرف ايه الحل او وصل لايه. بنلاقي نفسنا اتشغلنا ببوست تانى وتالت. ده بيخلي المشاكل والشكاوي عبارة عن ظواهر عابرة مش بنوصل منها لحلول او تعريف اصل المشكلة او ايجاد اختيارات جديدة او حتى حصرها واستخدامها في تقييم مستوى الخدمات ومراقبة الاسواق. و ده بيوصل الشركات انها تتعامل مع مشاكلنا بنفس الطريقة الهدف مش حل المشكلة على قد ما الهدف تحسين الصورة، فلو شكوى مش واصلة لناس كتير خلاص سيبها تموت والناس تنساها.

يمكن المشاكل دي هي سبب بدأ مشروع موقع اشتكي www.eshteki.com وحاولنا على قد ما نقدر نقدم حلول للمشاكل ديه عشان منبقاش مجرد وسيلة لجذب الناس عن طريق تشويه شركات او نشر معلومات او شكاوي غير حقيقية من غير ما يكون عندنا وسيلة للتحقق من الشكاوي واتاحة المجال للشركات دي للرد وده ممكن اوضحه بيتعمل ازاي في بوست منفصل. ومن ناحية تانية انا مش بدافع عن الشركات لأن معظمها فعلا بيقدم خدمة سيئة، بس كل الفكرة ان لازم يكون عندنا ألية للتقييم والتحليل والحل والتحسين مش مجرد شكاوي عابرة.

(Visited 159 times, 1 visits today)

Share :

Facebooktwittergoogle_plusredditpinterestlinkedinmail

Mostafa Othman is a software engineer graduated from Ain-Shams university. Mostafa worked for different software companies including Sygmatel, Giza systems and BlaBla connect. Mostafa is a co-founder at Eshteki

Mostafa Othman

Mostafa Othman is a software engineer graduated from Ain-Shams university. Mostafa worked for different software companies including Sygmatel, Giza systems and BlaBla connect. Mostafa is a co-founder at Eshteki

Leave a Reply

Your email address will not be published. Required fields are marked *