خدمة جديدة لتسجيل قراءة العداد

ERA

Follow us:

Facebooktwitter

كلنا لاحظنا الفترة ألي فاتت تفاوت غريب في فاتورة الكهرباء ألي بتجلنا كل شهر. الفكرة كمان أن أغلبنا بيجلنا فاتورة الكهرباء من غير ما حد من شركة الكهرباء يعدي يقرأ العداد. وده ألي على أساسه المفروض بيتحسب الإستهلاك الشهري للكهرباء ألي المفروض تدفعه.

حل على الإنترنت

في خطوة جديدة،قام جهاز تنظيم مرفق الكهرباء بانشاء موقع إلكتروني لحل المشكلة ديه. الموقع ده بكل بساطة بيساعد المستهلكين في إنهم يدخلوا بنفسهم قرائة العداد كل شهر لضمان عدم  حدوث أي مشاكل في الفاتورة بعد كدة. الموقع هو www.Egypterases.com

تصميم وخصائص الموقع سهلة جداً لأي واحد بيستخدمه لأول مرة. كل ألي هتعمله إنك تعمل حساب بتسجيل بياناتك. الخطوة ألي بعد كدة هي تسجيل بيانات العداد بتاعك. في الأول بتحدد مكان على الخريطة وتختار (إضافة عداد) وتضيف بيانات العداد ألي منها أسم شركة الكهرباء ألي أنت تابع ليها وكود السداد الإلكتروني. كل المعلومات ديه بتكون موجودة على فاتورة العداد.

ERA

ازاي هدخل قراءة العداد

بعد ما هتتأكد من بياناتك ويظهرلك الإسم ألي متسجل بيه العداد، الموقع هيقولك الوقت الي بيتم فيه إدخال قرائة العداد. والوقت ده بيكون ثلاث أيام معينة في الشهر بيسمحلك فيهم بإدخال قرائة العداد. هتعرف الوقت ده أول ما تدخل كل البيانات بالإضافة إنه هيتبعتلك إيميل بيعرفك الوقت ألي ممكن تدخل فيه قرائة العداد كل شهر.

بالنسبالنا طبعاً موضوع قرائة العداد ده شىء مجهول لأن عمرنا ما جربنا نقرأه. لكن الصراحة جهاز تنظيم مرفق الكهرباء بيرشدنا وبيساعدنا في حاجة زي كدة من خلال صور بينشرها على حسابات التواصل الإجتماعي الخاصة بالمرفق.

مرفق

أبليكشن على الموبيل

خدمة إضافية الجهاز بيقدمها للمستهلكين لتسهيل العملية كلها، تطبيق على الموبيل بيساعدك تستخدم خدمات الموقع بكل سهولة. التطبيق موجود على أندرويد وممكن تنزله من هنا وكمان على iOS و ممكن تنزله من هنا.

التطبيق بيقوم بدور مهم وهو إنه بيبعتلك نوتفيكيشتز على الموبيل أول ما بيبقى متاحلك تسجل قرئة العداد كل شهر كنوع من التذكير. بالإضافة للدخول على الخدمات التانية غير إدخال قراءة العداد ألي بيقدمها جهاز تنظيم مرفق الكهرباء.

إشتكي فخورين بالنقلة الكبيرة ديه ألي هتساعد كل مستهلكين الكهرباء وبالطريقة ديه هتقل كل الشكاوي الموجهة لشركات الكهرباء بسبب الفاتورة الشهرية. شوفوا الفيديو عشان تتعرفوا على الموقع أكتر وإعملوا شير للمقالة ديه.

(Visited 5,766 times, 1 visits today)

Share :

Facebooktwittergoogle_plusredditpinterestlinkedinmail

Eshteki.com is the first complaints network in the middle east aiming to link angry consumers to service providers. We will be glad to hear from you at info@eshteki.com

Eshteki

Eshteki.com is the first complaints network in the middle east aiming to link angry consumers to service providers. We will be glad to hear from you at info@eshteki.com

Leave a Reply

Your email address will not be published. Required fields are marked *